Persónuvernd

Ábyrgðaraðili

Morrison-Þrif slf. (M-Þrif), kt. 571225-2200, ber ábyrgð á vinnslunni. Fyrirspurnir um persónuvernd berast á info@tropa.is.

Hvaða upplýsingar og hvers vegna

• Þjónustubeiðnir: nafn, netfang, sími, heimilisfang verkstaðar, lýsing á verkefninu og svör við spurningum um það, og myndir ef þú sendir þær. Notað til að meta verkið, gera tilboð, skipuleggja og vinna það og svara þér.
• Bókanir: sama og í beiðninni ásamt dagsetningum heimsókna, verði og athugasemdum starfsfólks um verkið.
• Pantanir úr vefverslun: nafn, netfang, sími, afhendingarheimilisfang, keyptar vörur, verð og greiðslustaða. Notað til að afgreiða og afhenda pöntunina, taka við skilum og uppfylla bókhaldsskyldur. Kortaupplýsingar eru slegnar inn hjá greiðsluveitunni og berast aldrei til okkar.
• Gjafabréf: kóði, upphæð og notkun, tengd kaupandanum.
• Tölvupóstur: staðfestingar og tilkynningar um beiðnir, bókanir og pantanir á netfangið sem þú gafst upp.

Vinnslan byggir á samningi við þig eða undirbúningi hans, lagaskyldu um varðveislu bókhaldsgagna og, fyrir myndir sem þú sendir með beiðni, samþykki þínu sem þú veitir þegar beiðnin er send.

Hve lengi

• Myndir sem fylgja beiðni er eytt sjálfkrafa 6 mánuðum eftir að beiðnin berst.
• PDF-samantekt beiðni er eytt sjálfkrafa 24 mánuðum eftir að hún er gerð.
• Beiðnin sjálf er geymd í allt að 24 mánuði svo við getum sinnt verkinu og svarað fyrirspurnum. Þú getur beðið um að henni sé eytt fyrr.
• Pantanir, greiðslur og gjafabréf eru geymd eins lengi og bókhaldslög krefjast.

Hverjir vinna upplýsingarnar

Upplýsingarnar eru aðeins aðgengilegar starfsfólki M-Þrif og þessum vinnsluaðilum:

• Cloudflare: hýsing vefsins, gagnagrunnur, skráageymsla, innskráning starfsfólks, vörn gegn sjálfvirkum sendingum (Turnstile), sending tölvupósts og vefmælingar án vafrakaka (Bandaríkin og Evrópa, með samningsbundnum verndarráðstöfunum).
• Kling: kortagreiðslur í vefverslun; kortanúmer fara aldrei um kerfi M-Þrif (Ísland).
• Pósturinn: afhending pantana úr vefverslun þegar sending er valin (Ísland).

Upplýsingar eru ekki seldar eða notaðar í markaðsskyni þriðja aðila.

Vafrakökur og mælingar

Vefurinn setur engar rakningarkökur. Vefmælingar eru gerðar án vafrakaka og án þess að þekkja einstaka notendur. Karfan í vefversluninni er geymd í vafranum þínum þar til þú tæmir hana. Vörn gegn sjálfvirkum sendingum (Turnstile) getur sett tæknilega vafraköku meðan eyðublað er fyllt út.

Réttindi þín

Þú átt rétt á að fá aðgang að upplýsingum um þig, fá þær leiðréttar eða þeim eytt þar sem lög leyfa, og að andmæla vinnslu. Sendu ósk á info@tropa.is. Þú getur einnig kvartað til Persónuverndar.